السلام عليكم ورحمة الله وبركاته
>> اعتراف <<
بس بدي آحكي كلمة للبنات الي بتحكي
(( طلبني من آهلي . بدو يطلبني من آهلي . آمو حكت معاي . ستو طلبتني . حكالي بدو يتجوزني السنه الجاي . كنآ رح نخطب ... الخ ))
يآ عمي ... يآآ عمي ... انتي بتكوني هبله هيك ... أأه هبله
من بين كل 100000 الف بتلاقي واحد بحب حبيبته بصدق
لما يكون حاكيلك بدي اخطبك بكون بكذب عليك . أصلن لو بدو يخطبك ما بسمح لنفسه يجي
يحكيلك . مشان ما تصغري بنظرو
أصلآ انتي كيف بتحكي مع شب ان كنتي فعلا بتحترمي وبتحبي وبتعزي ؟
منتي لما تحكي معا بتقللي من قيمتك قدامه اذا ما كنتي ع اسمه او في اي رابط شرعي بينكم .
بعدين كمان لما بنت تيجي وتقلك : والله امو لحبيبي حكت معاي وقالتلي انها بدها اياني
ولك شو الي بدها اياك ؟؟
انتي عارفة مين الي حكت معاك ؟
بلكي وحده من شلته حكتلك انها امه .. والله صارت يا جماعه صاارت
شب هوايته يخورف البنات ويضحك عليهم .. كان يخلي بنت تحكي بأسم امه على اساس انها بدها تخطبلو ..
يا عمي قليل الحب الصادق الشريف هالايام .. الباقي بحبك .. بخليك عايشة ع أمل .. بطلع هو واياك .. بحكي معك ع التلفون ..
بتحكي معا .. هو بكون مبسوط وانتي بتكوني مبسوطه .. والشيطان بكون بينكم مبسوط أكتر .. بلآخر بحلقلك ع الناااااااشف .. بس
بكون بدو يضيع وقت فراغو معك
يعني يحبك بلليل .. ويستمتعك بصوتك .. لآ آكتر ولا أقل
آنآ شب وبحكي هالحكي مش لأني غيران من شباب او من بنات .. الحمد لله ساتر حالي وخطبت
بنت كنت حاطط عيني عليها بس ما اعترفتلها بحبي الها الا لما خطبتها وكتبنا الكتاب ..
مجرد نصيحه لآ آكتر لأني بعرف شباااب كتييير وانا طالب جااامعه وبسمع كل يوم قصة من الشباب
يلي بلجامعه .. كلهم بس بدهم يشبعوا شهوتهم ..
نصيحه أخوية لكل البنات
برضو بحكي كلمة للشب .. البنات مش قليلات .. يعني في بنات بكونو يحكو مع شب مشان يخورفو
.. ويصرف عليها وبتكون بتضحك عليه بتحكي مع عشره غيرو
خلوا مخافة ربنا قدامكم شوي : خاصة للناس الي بتخبص بالعلاقة مع شب او بنت
آوقات بشوف قصة بسببها ببطل اعرف انام والله ببطل اعرف انام بنقهر من حد يكون مضحوك عليه بهالدنيا ..
والله حرام ..
م\ن
موضوع: رد: الى متى ستظلين ساذجة ؟؟؟؟؟ 
الإثنين يوليو 08, 2013 6:22 am
